| 好耐無打過日記... 原本以為以後都唔會再有機會用到... 或者我真係唔識表達自己... 又或者我唔知可以同邊個講... 又或者情感既事情我永遠都係收收埋埋... 結果始終都係要係呢度發洩... 人總係自私...無論邊個都係...相信包括我都係... 估唔到我連本書都不如... 一本書可以俾個"悶"字我... 一本書可以扼殺我付出既所有野... 一本書可以令到我以為將會好開心既一個禮拜化為烏有... 一本書可以令到我崩潰... 一本書仲可以對我點樣呢...真係難以想像... 如果可以既話...我真係好想好似早兩日咁... 永遠都唔返黎...儘管係一個唔及香港咁多姿多采既地方... 大概唔開心已經形容唔到我而家既心情... 我都唔知而家既心情係點...失望??難過??沮喪?? |
| |
| 呢一篇日記係想講我既一個朋友... 早兩日...呢個朋友打俾我...話有d好突然既事要同我講... 佢同我講既事令我諗起早幾年既自己...哈哈... 佢同我講既詳情唔重要...因為呢d都係過去左... 我想講既係...之前佢一次又一次違背左自己既承諾... 正當我地朋友當中全部都以為佢會放棄既時候...(連佢自己之前都係咁諗) 佢突然間同我地講話諗清楚自己既目標... 話時話...真係幾突然下...估你唔到...哈哈... 我想同呢個朋友講...其他人既閒言閒語就一定有... 不過唔使放係心度...最緊要係你自己要爭氣... 唔想聽到呢d說話既就只有做到自己既承諾...而唔係逃避... 我相信...如果你肯自動自覺既話... 有咩問題我地班朋友都一定會幫你... 總之決定左就要try your best... 唔好又浪費時間同埋最緊要既$$$$... 下年大家一齊勵精圖治啦!!! |
| |
| 今個summer真係一個非常悠長既假期... 除左有時返馬會要通頂之外... 幾乎日日都訓到好似昏迷咁... 可以話補返我呢幾年因為做野而無左既訓覺時間... 記得早兩個月先係咁話想抖下既時間都無... 結果而家就"他條"到呢...前所未有咁過份...哈哈 趁住今年summer唔使點返工....同埋過埋今年都無咩d咁既機會... 真係要好好享受下...享受一下"hea"到爆既生活... 講返year 3先...exam result都算ok... 3on3都拎左cham...最唔開心就係個足球比賽... 明明我地既實力係8成入決賽ga la... 就係因為一個烏龍波就輸左...好唔抵... 應驗晒呀叔講既一句經典..."波係圓既"... 下年last一年...一定要俾心機win個cham返黎...^^ 同埋year 4真係一定要勵精圖治...我真係唔係講笑... |
| |
| 近排真係好攰好大壓力.... 但係個個都當正我係一個鐵人... 無人會理下我既感受...=.= |
| |
| 唔知點解...今日突然間好想打XANGA... 唔知點解...縱使昔日有幾多唔開心既事情...我都好想講我好鍾意我屋企... 唔知點解...同BABY一齊好好好開心...縱使周不時都會嘈下... 唔知點解...我對每樣野,每件事都好執著...唔識放開D... 唔知點解...日日都好似無咩時間...想停下靜下用下電腦都唔得... 唔知點解..."Slumdog Millionaire"咁好睇...未試過睇一套戲睇到咁肉緊... 唔知點解...近排踢波踢上癮...好似細細個果陣咁有熱誠... 唔知點解...咁快又TEST WEEK...攰都呀媽都認得 唔知點解...^^ |
| |
